Lançimi i PS5 është hasur me një sukses financiar të paparë. Me konsolën që është shpërndarë shpejt në pika të ndryshme shitjeje, është bërë shumë më e vështirë për konsumatorët, që të arrijnë ta gjejnë atë. Së fundmi është bërë e qartë se edhe CEO i PlayStation është në dijeni të kësaj.
Jim Ryan është presidenti dhe CEO i Sony Interactive Entertainment. Ai ka luajtur një rol kyç në ciklin e zhvillimit të PS5 dhe në promovimin e saj online. Si një figurë kaq e rëndësishme dhe me prezencë në industrinë dhe komunitetin e gaming, Ryan është në dijeni të situatës së lançimit të PS5.
PS5 u lançua vetëm para pak ditëve në Rusi dhe ashtu si të tërë botën, shumë pika shitjeje po hasin vështirësi të ruajnë rezerva, si për PS5 si për Xbox Series X. Në një intervistë të bërë së fundmi, Ryan nuk dha shifra ekzakte shitjesh por tha se “është shitur absolutisht çdo gjë.” Ky mund të jetë edhe një ekzagjerim, por duke marrë paraysh situatën aktuale, nuk do të çuditeshim nëse do të ishte plotësisht literal si kuptim.
Momentalisht i vetmi problem që Sony po has është të menaxhojë ruajtjen e sasisë së produktit të tij në raport me kërkesën e klientelës. Një lajm më shumë i mirë se sa i keq do të thonim. Nëse po mendoni të blini një PS5, shikoni videon e mëposhtme me disa gjëra që duhet të keni parasysh përpara se ta blini: