CEO e Activision dhe EA janë në listën e më të mbipaguarve në SHBA

Paga e tyre është sa 300-fishi i punonjësit mesatar

Bobby Kotick i Activision dhe Andrew Wilson i EA janë në listën e njerëzve më të mbipaguar në SHBA, sipas As You Sow. Kjo e fundit llogarit të dhëna si paga e dikujt, përqindja e aksionerëve që e kanë aprovuar si edhe diferencën mes të ardhurave të një CEO dhe punonjësve të tyre.

Bobby Kotick i Activision, i cili së fundmi theu rekordin për profitet më të larta dhe hoqi nga puna qindra punonjës, rezulton si më i larti ndër CEO e video-lojërave. Paga e Kotick është $ 28,698,375. Kjo është 306 herë më e lartë se paga e një punonjësi mesatar.

Andrew Wilson i EA fiton edhe më shumë, duke grumbulluar $35,728,746. Kjo shifër është 371 herë më e lartë se paga e punonjësit mesatar.

Morali i gjithë kësaj historie është që … epo nuk është se ka moral tamam përveçse jeta është më e thjeshtë kur je një CEO.