Dy perla indie vijnë për ju falas.
Dy perla indie vijnë për ju falas.
Sado që të dyja në thelb janë për të vrapurit dhe të kërcyerit, Celeste dhe Inside kanë shumë pak të përbashkëta. E vetmja e përbashkët që do të thonim ne në fakt është që janë të dyja falas në Epic Games Store javën e ardhshme.
Deri diku mund edhe të thuhet se njëra lojë paraqitet si antidot i tjetrës. Horrori intesiv dhe i errët që vjen në Inside mund literalisht t’ju shkaktojë ankth teksa navigoni mes korridoreve të lojës. Nëse jeni të tërhequr pas këtyre historive atëherë kjo është loja për ju. E klasifikuar si mbreslënëse, por ende me vend për përmirësime, Inside është falas, ndaj s’keni asgjë për të humbur.
Celeste nga ana tjetër është mënyra e përsosur për të hequr qafe ndjesinë e keqe që mund të mbetet nga Inside. Pavarësisht repuacionit të saj si një platformer preçize dhe ekzakte, janë veçoritë e aksesueshme të saj dhe historia e ndjerë ato që e bëjnë lojën tepër të këndshme. Loja është vlerësuar gjithashtu mirë edhe nga kritika.
Sigurohuni që ti merrni në kohë këto dy lojëra dhe do të jenë tuajat për tu mbajtur përgjithmonë. Javën që vjen do të ndërrohen me dy lojëra të tjera çuditërisht të ngjashme. Njëra është End Is Nigh, një platformer i errët, por deri diku dhe humoristik dhe Abzu, një lojë për eksplorimin nënujor dhe socializimin me peshqit.
Në këtë pikë jemi duke u çuditur pak me përzgjedhjet e Epic, por nuk kemi pse të ankohemi. Të gjitha lojërat janë respektivisht ndër më të mirat në zhanrat e tyre.
Klikoni këtu për të marrë Celeste dhe këtu për të marrë Inside. Të dyja lojërat do të jenë falas deri në 5 shtator.