Prezantimi i Microsoft në E3 për këtë vit nuk do të jetë i gjithi rreth konsolave. Edhe sektori i PC do të marrë vëmendjen e tij, përfshirë këtu detaje se si Xbox Game Pass do të funksionojë në PC. Do të vijë zyrtarisht dhe sigurisht do të jetë ndryshe.
“Kemi dizenjuar një shërbim specifikisht për nevojat e gamerave të PC. Quhet Xbox Game Pass, njëlloj si origjinali, por është një eksperiencë e re që po ndërtojmë me komunitetin e PC.” Është shprehur Phil Spencer, kreu i Xbox.
Bazat janë njëlloj si ai normali. Gjërat fillohen me një librari prej 100 lojërash nga Sega, Paradox, Bethesda, Deep Silver dhe Devolver. Ju do të jeni në gjendje të luani sa të doni nga ato për aq kohë sa bëni një pagesë mujore. Lojëra të reja shtohen çdo muaj dhe vetë lojërat e Microsoft do të jenë të përfshira kur ky shërbim të vijë për PC. Pra automatikisht çdo lojë e Xbox vjen për PC.
Ajo çfarë ende nuk e dimë tani është se sa do të kushtojë Game Pass në PC ose kur do të jetë i disponueshëm. “Mezi po presim që të japim më shumë informacione në E3, përfshirë këtu edhe lojërat që do të jenë pjesë e librarisë dhe detajet se kur do të vijë.”
Abonentët e Game Pass do të marrin 20% ulje kur të blejnë lojërat e përfshira në shërbim dhe nga 10% nëpër DLC. Gjithsesi ulja vjen vetëm për lojërat që blihen drejtpërdrejt nga Microsoft Store. Jo ndonjë çudi e madhe, por jo tamam zgjedhja e parë që kemi për të blerë lojëra PC.
Si gjithmonë pra, do të mbetet që të presim E3 për të zbuluar më shumë informacione.