Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
10 projekte të mëdha në formën e filmave dhe serialeve do të vijnë deri në 2021.
Faza e katërt e Marvel Cinematic Universe do të përfshijë 10 filma dhe seri të Disney + kur të lançohet vitin e ardhshëm, ku specifikisht viti 2021 duket shumë i ngarkuar. Presidenti Kevin Feige u shfaq në San Diego Comic-Con për të mbajtur konferencën 90 minutëshe të Marvel, ku dha një sqarim të gjatë për Fazën e 4 të MCU.
Përkatësisht Faza e 4 do të përfshijë: Black Widow (1 maj 2020), Falcon and the Winter Soldier (Vjeshtë 2020), The Eternals (6 nëntor 2020), Shang-Chi and the Legend of the Ten Rings(12 shkurt 2021), WandaVision (pranverë 2021), Doctor Strange and the Multiverse of Madness (7 maj 2021), Loki (Pranverë 2021), What If (Verë 2021), Hawkeye (Vjeshtë 2021), dhe Thor: Love and Thunder(5 nëntor 2021).
Fiege i la të gjithë të habitur në fund, duke thënë se nuk kishte kohë që të fliste se si Fantastic Four dhe X-Men do të përshtateshin në këtë fazë, por konfirmoi se do të ketë një projekt shtesë të quajtur Blade që do të ketë në të Mahershala Ali.
Faza e ardhshme e MCU ka filma që qëndrojnë si vazhdime. Këtu mund të përmendim Doctor Strange and the Multiverse of Madness që përshkruhet si filmi i parë horror në historinë e MCU dhe Thor: Love and Thunder, filmi i katërt i serive që do të jetë nën drejtimin e regjizorit të Thor: Ragnarok. Në këtë film do të kemi dhe Natalie Portman dhe Tessa Thompson, ndaj do të jetë shumë interesante të shohim se si do shkojnë ngjarjet. Kemi edhe filmin e Black Widow, me Scarlett Johansson si protagoniste, një rol që ka luftuar prej vitesh për ta marrë.
Filma të tjerë do të sjellin plot heronj të rinj si në rastin e The Eternals dhe Shang-Chi and The Legend of the Ten Rings. Si në fillim me rastin e Guardians of the Galaxy, asnjë nga emrat nuk janë të rrahur më parë nga veshi i publikut, por Marvel Studios po shpreson që të japin një impakt gjithsesi.
The Eternals fokusohet në një grup qëniesh që njihen me emrin e Eternals, që përdorin aftësitë e tyre të avancuara për të mbrojtur njerëzit e së ardhmes. Këtu Kevin Feige konfirmoi se filmi do të ketë si aktorë Richard Madden, Kumail Nanjiani, Brian Tyree Henry, Salma Hayek dhe Angelina Jolie.
Shang-Chi pastaj do të fokusohet vetëm në personazhin e Shang-Chi, që gjatë gjithë jetës së tij ka si qëllim të hedhë poshtë perandorinë kriminalistike të babait të tij. Feige konfirmoi se The Mandarin, antagonisti që duhej të shfaqej në Iron Man 3 do të shfaqej me të vërtetë këtë rradhë në Shang-Chi.
Gjithsesi MCU nuk është më vetëm me filma. Shërbimi i ardhshëm i streaming, Disney+, do të ketë në të projekte të vazhdueshme si Falcon and the Winter Soldier, WandaVision, Loki, Hawkeye dhe What If? Feige dhe skuadra e tij u futën në detaj për disa nga serialet, përfshirë këtu Loki. Shfaqja do të tregojë rrugën e personazhit, pasi ai mundi të vidhte Tesseract-in në 2012, gjë kjo që ndodhi falë Avengers: Endgame. Pra ky version i Loki ende nuk ka kaluar nëpër ndodhitë e Thor: Ragnarok, Avengers: Infinity War dhe Avengers: Endgame.
Përsa i përket What If? pastaj, që na ka bërë kuriozë të gjithëve, do të jetë një serial i animuar që do të prezantojë mundësi dhe realitete të ndryshme brenda MCU. Përshembull nëse çekiçin nuk do e kishte gjetur Thor, por Loki?
Faza e 4 e Marvel duket mjaft ambicioze. Githsesi mund të presim që të marrim më shumë informacion për të muajin e ardhshëm në konferencën e Disney D23.
