Zhvilluesi i Cyberpunk 2077, CD Projekt Red, zbuloi detaje të mëtejshme për lojën në një intervistë të mbajtur në 9qershor. Kompania polake shpjegoi se çfarë ndryshimesh madhore do të ketë ky first-person shooter RPG në krahasim me The Witcher 3.
Loja e shumëpritur futurustike fillimisht ishte planifikuar që të lançohej në prill, por u vonua deri në shtator të këtij viti. Gjatë intervistës në fjalë zhvilluesit u hapën më shumë për gameplay-in e saj, përfshirë këtu përmirësimet që loja do të ketë në krahasim me The Witcher 3.
Sipas departamentit të artistëve, side quests do të thellohen shumë më shumë se më parë. Një shembull i dhënë është se një lojëtar mund të ndalojë që të hajë ushqim në mes të një misioni aktiv dhe gjërat e tjera në botë do të vazhdojnë të ndodhin rreth e qark tij, pavarësisht kësaj.
Zhvilluesi gjithashtu shpjegoi se misionet ishin dizenjuar që “të anullohen vetëm nëse një personazh vdes”. Shkrimtarët kanë patur në mendje pyetjen: “cila është gjëja më idiote që mund të bëjë një lojtar?” përpara se t’i shkruanin këto quests.
Ata gjithashtu thanë se ka më shumë mënyra për të zgjidhur misionet në krahasim me The Witcher 3 dhe se Cyberpunk do të sjellë më pak ikona hartash, pasi ekipi mendonte se lojtarët e TW3 ishin mbingarkuar me informacion.
Se çfarë lojtarët duhet të presin përsa i përket përmirësimeve, lançimi i 2020s pritet të evoluojë përsa i përket dizajnit, në të njejtën ecuri si The Witcher 2 i krahasuar me Wild Hunt. Fansat e serive do e dinë se ky kapërcim ishte goxha i madh.
Sipas një deklarate financiare të bërë në prill, zhvilluesi polak rikonfirmoi se janë mëse në kohë për të kapur datën e lançimit në shtator. Stafi ka vazhduar punën nga shtëpia gjatë pandemisë dhe çdo gjë ka ecur sipas planit.
Sado që ka ende shumë gjëra që ende nuk i dimë për Cyberpunk 2077, duket se skuadra pas serive të The Witcher po bën çdo gjë që mundet për të arritur maksimumin e saj, gjë që me shumë gjasa do të rezultojë në një tjetër mega sukses për kompaninë.