CD Projekt Red shtyn datën e lançimit të Cyberpunk 2077

Mos u shqetësoni, loja gjithsesi do të lançohet në 2020, jo në 2077

CD Projekt Red ka shtyrë datën e lançimit të Cyberpunk 2077 deri në 17 shtator. Në një postim në rrjetet sociale, zhvilluesit thanë se do të duhen edhe pesë muaj përpara se loja të jetë plotësisht gati. Loja pritej të lançohej në 16 prill.

“Tani jemi në një pikë ku loja është e përfunduar dhe mund të luhet, por ende ka punë për të bërë,” – thanë drejtuesit Marcin Iwinski dhe Adam Badowksi. “Night City është gjigand, plot mehistori dhe vende për të vizituar, por për shkak të kompleksitetit të gjithçkaje, do të na duhet më shumë kohë për të testuar dhe rregulluar problemet. Dëshirojmë që Cyberpunk 2077 të kurorëzojë arritjet tona për këtë gjeneratë dhe shtyrja e lançimit do të na japë muaj të nevojshëm për ta bërë lojë perfekte.”

Night City është qyteti ku është vendosur Cyberpunk 2077 dhe CD Projekt Red tha se dëshiron të krijojë një dizajn të ri dhe unik për një qytet cyberpunk, duke e larguar atë nga imazhi i qyteteve të errëta dhe me shi dhe duke e sjell më afër vendeve më të gjalla.