CD Projekt Red shpjegon ato çfarë humbëm nga demo e Cyberpunk 2077

Mesa duket loja do të ketë disa veçori mjaft intriguese

Krijuesit e Cyberpunk 2077, CD Projekt Red lançuan një video të re ku shpjeguan gjërat të cilat nuk u vunë re nga askush në demo-n e lojës. Miles Tost, një prej dizenjuesve kryesorë të lojës postoi në Twitter një klip 47 sekonda ku shpjegonte animimet dhe ndryshimet e personazhit.

Në mënyrë të përmbledhur, Miles Tost sqaroi se lojtarët do të bëhen më të mirë me armët që përdorin më shpesh. Sa më shumë të përdorësh një armë, trupi kibernetik i V mësohet më shumë me armën që ai përdor në Cyberpunk 2077. Pas disa kohësh, lojtarët do të vënë re se do të jenë më të saktë dhe do t’i karikojnë më shpejt këto armë.

Përveç progresionit të armëve, zhvilluesi tha se animimet e personazhit dhe armëve do të ndryshojnë kur lojtari të mësohet më shumë me to. Qëllimi i CD Projekt Red është t’i bëjë lojtarët të ndihen sikur janë duke progresuar në lojë gjatë gjithë kohës duke ofruar një eksperiencë më gjithëpërfshirëse dhe realiste.