Aktorit i është dashur të krijojë një lidhje me të.
Aktorit i është dashur të krijojë një lidhje me të.
Johny Silverhand është një personazh kyç në universin e Cyberpunk. Gjatë konferencës së Microsoft në E3, u zbulua se ky personazh do të luhej nga i madhi Keanu Reeves në lojën e ardhshme Cyberpunk 2077.
Drejtori i Historisë në CD Projekt Red foli me Xbox: The Official Magazine dhe përshkroi të gjithë procesin e zgjedhjes së Keanu Reeves dhe mënyrën se si aktori i The Matrix dhe John Wick, ndihmoi në një ndërtim më të mirë të personazhit të Johny në Cyberpunk 2077.
“Është një relatë shumë komplekse dhe sigurisht diçka që do të evoluojë teksa ju e lunai. Johny është një ikonë dhe një personazh shumë i fuqishëm, por po kështu është edhe V. Të dy shpesheherë do të vihen kokë më kokë, por në të njejtën kohë mendoj se do të mësojnë diçka nga njëri-tjetri.
Keanu Reeves ka një histori aktrimi me personazhe që gjithmonë janë duke luftuar për diçka dhe Silverhand padyshim që është duke luftuar për diçka. Kur filluam të mendonim për një aktor për rolin, nuk ndoqëm logjikën që ‘hajt dhe marrim të famshmin më të madh të momentit’. Aktori duhej të kishte një lidhje me personazhin.
Cyberpunk 2077 nuk është një lojë për Keanu Reeves. Është një lojë për Johny që luhet nga Keanu. Mendoj se këtë pjesë e harrojnë shpesh kur përzgjedhin kastin për videolojëra. Keanu është një aktor i mirë, që do të japë një pjesë të tijën te personazhi. Mendoj se falë Keanu, Johny është më origjinal.”
Cyberpunk 2077 do të lançohet në 16 prill të 2020s për PC, Xbox One dhe PlayStation 4. Loja është që tani një nga më të shumëpriturat e vitit të ardhshëm dhe kjo jo vetëm prej prezencës së Keanu Reeves në të, por prej shumë elementëve të tjerë që e garantojnë të jetë një lojë e mirë.