Sipas një interviste, duket se një skuadër e vogël do të fillojë punën me lojën e ardhshme të Witcher, pas lançimit të Cyberpunk 2077.
Sipas një interviste, duket se një skuadër e vogël do të fillojë punën me lojën e ardhshme të Witcher, pas lançimit të Cyberpunk 2077.
CD Projekt Red ka thënë se do i fokusojë të gjitha përpjekiet e tij në Cyberpunk 2077 dhe seritë e Witcher, teksa në të njejtën kohë ka rikonfirmuar se dëshiron që të zhvillojë më shumë lojëra në universin e The Witcher.
Në një intervistë, presidenti i CD Projekt Red, Adam Kicinski, tha se studioja ishte tashmë duke punuar me një tjetër lojë single-player që kishte një “koncept relativisht të qartë”.
Përtej kësaj, do të duhet pak kohë derisa resurset e studios të fillojnë punën me këtë projekt. Pas lançimit të Cyberpunk 2077 në shtator, një pjesë e mirë e skuadrës do të punojë me multiplayer-in e lojës, ndërkohë që pjesa e dytë më e madhe do të merret me DLC single player. Një skuadër e tretë, më e vogël, do të vazhdojë të punojë në “një tjetër lojë të madhe singleplayer”.
Bazuar në deklaratën e Kicinski se planet e CD Projekt janë që të qëndrojnë në universin e Witcher dhe Cyberpunk, një RPG e re e Witcher duket brenda mundësive. Nga çfarë ka thënë CD Projekt Red në të shkuarën, me shumë mundësi nuk do të quhet The Witcher 4.