Një nga lojërat më të mëdha të kësaj gjenerate është shumë pranë lançimit dhe duket se njerëzit duan të dinë se çfarë DLC do të skellë. Zhvilluesi CD Projekt Red ka konfirmuar më shumë detaje se çfarë do të sjellë DLC pasi loja të lançohet në 10 dhjetor.
Presidenti i CD Projekt Red, Adam Kiciński, tha se sado që fillimisht ishte planifikuar që të zbulohej përpara lançimit të lojës, duke marrë në konsideratë edhe vonesën e fundit, vendosën të presin derisa loja të dalë, që pastaj të flasin për projektet e ardhshme që kanë.
Pra e vetmja gjë që dimë për DLC e ardhshme të Cyberpunk 2077 është se bashkë me lojën kryesore, do të ketë më shumë content se The Witcher 3. Në total The Witcher 3 përfundoi me dy expansions të plota dhe 16 content packs falas. Duket se mund të presim edhe më shumë për Night City, pasi ta mbarojmë lojën.
Pas tre vonesave, është e lehtë të kuptosh se pse disa njerëz ishin të shqetësuar se loja mund të mos lançohej në dhjetor. Fatmirësisht CD Projekt Red ka konfirmuar se Cyberpunk 2077 nuk do të vonohet për herë të katërt. Mbetet të presim për datën 10 dhjetor.