Cayo Perico Heist, misioni më i madh deri më tani në GTA Online, do të vijë në 15 dhjetor

Mund ta luani këtë heist solo për herë të parë.

Muajin e ardhshëm, Cayo Perico Heist do të vijë në GTA Online.

E përshkruar si “paketa më e madhe, e guximshme dhe me më shumë aksion” e shtuar ndonjëherë në GTA Online, Cayo Perico Heist do të vijë muajin e ardhshëm në datë 15 dhjetor. Ju mund të shikoni trailerin e njoftimit të saj më poshtë. Videoja tregon një ekip lojtarësh teksa infiltrojnë një ishull privat, me shpresën se mund të vjedhin miliona para droge, arti etj.

Cayo Perico Heist përshkruhet si “aventura më e madhe e GTA Online”, kjo sipas njoftimit zyrtar nga Rockstar. Ky është heist-i i parë në GTA Online që do ju lejojë ta luani të gjithë misionin solo ose me ekipin e zakonshëm prej tre lojtarësh.

Përtej kësaj ju do të mund të bëni unlock social spaces, armë dhe automjete të reja dhe një radio station plotësisht të ri me mbi 100 këngë, përmes update-it që prezanton Cayo Perico Heist. Gjithashtu ka një nëndetëse që lojtarët mund të përdorin. Rockstar po premton edhe më shumë updates përpara se ky Heist të vijë në 15 dhjetor.

Javën e shkuar Rockstar i sfidoi lojtarët e GTA Online rreth e qark botës që të fitojnë $100 miliardë përmes Heists në vetëm shtatë ditë. Rezultatet kanë dalë dhe duket se shumë lojtarë ja kanë dalë ta plotësojnë sfidën, me një automjet të veçantë që do i jepet të gjithëve me update-in e madh që do të vijë në 15 dhjetor.