Cate Blanchett konfirmohet për filmin e Borderlands

Më herët gjatë këtij muaji po qarkullonin disa thashetheme që Cate Blanchett ishte në bisedime për tu shfaqur në filmin e Borderlands dhe tani Lionsgate e ka bërë zyrtare. Thashethemi ishte i vërtetë, bisedimet dolën me sukses dhe Cate Blanchett është zyrtarisht pjesë e filmit të ardhshëm.

“Jam shumë fatlum që do të kem të mrekullueshmen Cate Blanchett të luajë në Borderlands. Ne kishim bashkëpunimin më fantastik së bashku në The House with a Clock in Its Walls dhe besoj se nuk ka asgjë që ajo mund të mos bëjë dot. Nga drama në komedi dhe tani aksion, Cate ja del me sukses në çdo skenë,” tha regjizori Eli Roth në një deklaratë.

“Të punosh me të është një ëndërr e bërë realitet për çdo regjizor dhe ndjehem shumë me fat që do të kem mundësinë ta bëj sërish, në një shkallë më të madhe. E di se së bashku do të krijojmë një personazh tjetër ikonik në arsenalin e saj.”

Blanchett është një aktore shumë e zonja. Ajo ka dy Academy Awards dhe tre Golden Globes në emrin e saj, por gjithashtu ka lënë gjurmët e saj edhe në filma blockbuster si Dr.Irina Spalko në Indiana Jones dhe Hela, perëndesha e vdekjes në Thor: Ragnarok.

Filmi i Borderlands është ende në fazat e hershme të produksionit dhe në këtë pikë nuk dihet se kur mund të dalë, por prezenca e Blanchett në të padyshim që ja rrit shumë emrin.

Meqë jemi te Borderlands, në rast se nuk e keni marrë vesh, Borderlands: The Handsome Collection, që përfshin Borderlands 2, Pre-Sequel dhe DLC për të dyja është falas këtë javë në Epic Games Store.