Career Mode e FIFA 20 nuk është pritur aspak mirë nga fansat

#FixCareerMode është një prej hashtags më popullorë në Twitter

Pasi u lançua më herët nëpërmjet EA Access dhe Origin Access, FIFA 20 më në fund u lançua zyrtarisht në mbarë botën. Shtimi i Volta në lojë dhe ndryshimi i fizikave të saj janë vetëm disa prej gjërave të reja që kanë ardhur në lojë, por lojtarët kanë shprehur menjëherë pakënaqësinë e tyre për Career Mode në lojë dhe bug-et e shumta që ajo ka.

Disa prej lojtarëve që kanë nisur menjëherë të luajnë Career Mode në FIFA 20 kanë filluar të ankohen se ekipet nuk po luajnë me lojtarët e tyre më të mirë dhe se kanë pasur probleme të shumta me dialoget dhe konferencat për shtyp. Të tjerë kanë hasur një problem ku ndryshimi i një lojtari ka bërë që ai të ndryshojë pozicion. Kjo ka ndodhur dhe kur e vetmja gjë e ndryshuar ka qënë diçka kozmetike.

Nëse e provoni këtë mode dhe nuk keni luajtur më parë FIFA (gjë që vështirë të ketë ndodhur), mund ta bëni një sy qorr ndaj këtyre problemeve, por për lojtarët e dedikuar të lojës Career Mode duket më shumë si një shtesë e saj sesa si një veçori kyçe e serisë, siç ka qënë vite më parë.

Disa të tjerë ankohen se Electronic Arts po i kushton më shumë vëmendje se ç’duhet FIFA Ultmate Team, e cila në fakt ka qënë shumë e suksesshme çdo vit që prej lançimit të saj. Ky mode ka brenda saj shumë microtransactions dhe loot boxes, prandaj publikuesi mund të humbasë shumë nëse ajo nuk funksionon siç duhet gjatë gjithë kohës.

Twitter nuk është i vetmi vend ku njerëzit po ankohen. Disa kanë përdorur Google Feedback për të shprehur mendimin e tyre rreth Career Mode në mënyrë më të zgjerurar. Ka gjithashtu një postim në website-in e FIFPlay ku fansat po japin mendimet e tyre dhe njerëzit janë dukshëm të mërzitur.

FIFA 20 është një prej lojërave më të mëdha të vitit me EA dhe publikuesi nuk ka pasur shumë fat me lançimet e mëdha kohët e fundit. Anthem, një lojë ambicioze aksion-RPG nga BioWare u prit mjaft keq nga lojtarët.