Dirt 5 dukej fantastike kur bëri zbulimin e saj të parë në muajin maj, duke treguar si do të dukeshin pamjet në gjeneratën e ardhshme dhe gjithashtu duke shpalosur një soundtrack shumë fiksues. Tani zhvilluesi Codemasters ka dhënë detaje të reja se si career mode do të funksionojë në lojë. Kjo e fundit do ju çojë përmes më shumë se 130 eventeve në nëntë lloje të ndryshme garash.
Troy Baker dhe Nolan North do të jenë dy zërat e talentuar që kanë dubluar në career mode, duke luajtur rolet e dy rivalëve Alex Janiček dhe Bruno Durand. Udhëtimi juaj në career mode do të fillojë me një përplasje mes dy titanëve të kësaj skene dhe pikërisht këtu fillon edhe udhëtimi juaj për në majë.
Sipas postimit në blogun e Codemasters, career mode e Dirt 5 do të ndahet në pesë kapituj, ku secili paraqet një përzgjedhje të ndryshme garash dhe vendndodhjesh. Gjithmonë do të keni mundësinë që të kapërceni një kapitull nëse doni. Sa më mirë të dilni në hara, që më shumë stamps do të fitoni, duke fituar kështu mundësinë për të hyrë në një event kryesor që përfaqëson historinë e çdo kapitulli.
Historia juaj do të analizohet James Pumphrey dhe Nolan Sykes nga kanali masiv i YouTube, Donut Media. Pumphrey dhe Sykes prezantojnë DiRT Podcast brenda lojës.
Si në çdo lojë racing, do të mund të firmosni kontrata me brande të famshme si Michelin, Monster Energy dhe vetë Codemaster. Do të keni gjithashtu mundësinë ta luani me miq, pasi çdo event në career mode suporton drop-in split-screen multiplayer.
Dirt 5 do të lançohet në tetor për PlayStation 5, PlayStation 4, Xbox Series X, Xbox One dhe PC.