Ende nuk dihet se çfarë roli do të luajë ajo
Ende nuk dihet se çfarë roli do të luajë ajo
Cardi B është bërë pjesë e kastit të Fast & Furious 9 në një rol që ende nuk është zbuluar.
Ky është filmi i saj i parë pas rolit të saj të fundit si striptistja Diamond në filmin Hustlers.
Vin Diesel e zbuloi rolin e saj në një postim ditën e martë në Instagram me një video që tregonte atë dhe Cardi B në një prej skenave të filmit në Britaninë e Madhe.
“Jam e lodhur, por shumë entuziaste,” – i tha Cardi B fansave të Diesel. “Nuk tallem, mendoj se ky do të jetë roli im më i mirë.”
Lajmi erdhi një ditë pas zbulimit se Ozuna, një prej këngëtarëve më në rritje të muzikës latine, do të bëhej gjithashtu pjesë e kastit dhe gjithashtu do të ishte pjesë e kolonës zanore të filmit.
Justin Lin, i cili gjithashtu ishte regjizor i Fast & Furious 6, rikthehet si regjizor në filmin e nëntë të serisë ku Vin Diesel vazhdon të luajë si Dominic Toretto. Dan Casey ka shkruar skenarin e historisë së Lin dhe Alfredo Botello. Premiera e filmit pritet të vijë në 22 maj 2020.
Michelle Rodriguez, Tyrese Gibson, Jordana Brewster, Chris “Ludacris” Bridges, Helen Mirren dhe Charlize Theron gjithashtu do të jenë pjesë e filmit në rolet e tyre. John Cena, Finn Cole dhe Anna Sawai janë pjesë e kastit gjithashtu.
Ky film nuk do të përfshijë Dwayne Johnson si Luke Hobbs dhe Jason Statham si Deckard Shaw, të cilët ishin pjesë e spin-off-it “Hobbs and Shaw” si filmi i nëntë i universit Fast & Furious, i cili ka gjeneruar $5.8 miliardë që prej premierës në 2001.