Pavarësisht faktit se të dyja lojërat janë pjesërisht bashkëekzistuese me njëra-tjetrën, Resident Evil 2 dhe Resident Evil 3: Nemesis janë lojëra të ndryshme. Kjo e fundit ka qenë gjithmonë pak më e orientuar drejt aksionit se tjetra, falë antagonistit të saj qendron, Nemesis. Në një intervistë me Famitsu, producentët Peter Fabiano dhe Masaso Kawada diskutuan rreth remake-ut të ardhshëm të Resident Evil 3. Një nga detajet më interesante që dolën prej saj ishte fakti se loja do të ruajë të njejtin ritëm aksioni, të cilin fansat e Resident Evil kishin vlerësuar aq shumë për origjinalin.
Ritmi i shpejtë i Resident Evil 3, mundësoi që më shumë lojëra të serive në të ardhmen të mbartnin më shumë elemente të aksionit . Sado që Code: Veronica u duk se i ngadalësoi pak gjërat në një ritëm të ngjashëm me dy lojërat e para të serive. Resident Evil 4 dhe Resident Evil 5 pastaj, ruajtën të dyja elementin e aksionit përgjatë tyre.
Në të njejtën intervistë, Fabiano dhe Kawada gjithashtu konfirmuan se loja do të ketë më shumë elemente të riorganizuara se Resident Evil 2 Remake. Kjo e fundit u prit shumë mirë këtë vit, por një nga ankesat më të shpeshta për të ishte se ishte shumë e afërt me versionin origjinal. Fatmirësisht, Capcom duket të jetë i vetëdijshëm për këtë problem me rastin e Resident Evil 3.
Resident Evil 3: Nemesis, e lançuar fillimisht në 1999 për PlayStation, ndjek historinë e Jill Valentine në tentativat e saj për tu arratisur nga përhapja e T-Virus në Raccoon City. Përgjatë lojës, Jill e gjen veten në arrati nga Nemesis, një krijesë e formuar nga Umbrella për të vrarë anëtarët e skuadrës S.T.A.R.S. Fillimi i lojës nis përpara fillimit të Resident Evil 2, por loja përfundon pas mbylljes së saj.
Resident Evil 3 Remake do të lançohet në 3 prill të 2020s. Loja do të jetë e disponueshme në versionin stadart dhe atë të veçantë. Ky i fundit do të përfshijë një figurë aksioni në Jill Valentine, një libër etj.