Pas një sulmi të bërë në sistemet e brendshme të Capcom nga Ragnar Locker, një grup hackerash, rreth 1TB data është bërë leak për 4chan, pasi Capcom refuzoi të binte pre e shantazhit të tyre.
Është gjithmonë ide e mirë të mos merren menjëherë si të mirëqenë. Mbi të gjitha jo tani që Capcom mund të reagojë ndaj informacionit që është publikuar dhe t’i ndryshojë planet si ti dojë qefi atij. Prapëseprapë ne do shohim disa gjëra interesante që mund të nxjerrim prej tij.
Vëmendjen më të madhe sigurisht e ka marrë data e lançimit të Resident Evil Village. Ne tashmë e dinim që do të vinte në 2021, por sipas këtij leaku ajo do të publikohet në prill. Jo larg po ta mendosh. Gjithashtu është zbuluar se do të ketë një demo paraprake, të aksesueshme fillimisht vetëm për lojtarët e PS5.
Si me rastin e Resident Evil 3 Remake, duket se Village do të lançohet me një komponent të veçantë online të koduar me emrin Dominion. Ky leak nuk jep detaje të tjera për Dominion, por le të shpresojmë që do të pritet më mirë se spin-off Resistance.
Sipas deklaratës për shtyp, Capcom nuk pret që dëme të mëdha të kenë ardhur nga ky leak. Të paktën tani kemi një ide më të mirë rreth Resident Evil: Village.