Mbështesni GameON Albania duke përdorur kodin support-a-creator: GAMEONALBANIA
Duket se shitjet e versioneve PC janë rritur vazhdimisht
Gjatë viteve të fundit, një numër i madh publikuesish japonezë kanë lançuar një numër të madh versionesh për PC të lojërave të tyre të fundit për konsola. Capcom është ndërmjet tyre, dhe duket se mund të presim që kjo praktikë të vazhdojë.
Një mesazh nga COO i Capcom, Haruhiro Tsujimoto është postuar në faqen zyrtare japoneze të Capcom. Në mesazh, Tsujimoto përmend lojërat në PC, duke thënë se zgjerimi i platformës nuk mund të mos vihet re, duke parë se shitjet në PC për lojërat e Capcom janë rritur çdo vit.
Lançimi në PC i Monster Hunter World ka ndihmuar që loja të shesë mbi 11 milionë kopje sipas publikuesit muajin e kaluar dhe performanca e versionit në Steam është vlerësuar si e fortë.
“Në këtë biznes, seria Monster Hunter ka shërbyer si një prej faktorëve kryesorë në rritjen e performancës së kompanisë. Titulli kryesor, Monster Hunter: World (për Playstation 4 dhe Xbox One) ishte një sukses fenomenal gjatë vitit të kaluar financiar dhe vazhdoi të ruante popullaritetin e saj duke rritur numrin e lojtarëve, ndërsa performanca e fortë e versionit të Steam në PC rriti fitimet.”
Titulli i madh i ardshëm nga Capcom që do të lançohet në PC gjatë ditëve të ardhshme do të jetë Devil May Cry 5, loja e parë e serisë që prej 11 viteve.
