Lançimi i fundit Call of Duty: Black Ops 4 dëshmon se seria është ende një konkurent i fuqishëm në treg edhe pas një dekade. Deklarata e fundit e Activision na kujton se sa i pandalshëm duket COD në aspektin financiar.
Activison lajmëroi në këtë konferencë për ndryshime në stafin drejues, gjithashtu hodhi një bombë e cila shkundi internetin… “Call of Duty” është më fitimprurës se Marvel Cinematic Univers dhe Star Wars së bashku.
Kjo është një deklaratë mjaft e guximshme nga Activision pasi MCU ka pasur paraqitje mjaft të mira me filma si Avengers: Infinity War, Black Panther dhe Ant Man & The Wasp, që i siguruan kompanis më shumë se 4 miliard dollarë në të ardhura globale.
Edhe Star Wars nuk mbetet prapa me fitimet vjetore, megjithëse Solo:A Star Wars Story nuk ka dhënë atë që pritej. Ky ”dështim” u kompensua nga filmi The Last Jedi i prodhuar në vitin 2017.
Ky lajm ka ardhur si një surprizë për të gjithë sepse nuk është pritur kurrësesi që një seri lojërash të sigurojë më shumë fitime se dy nga gjigandët më të mëdhenj të kinematografisë së bashku.