Call of Duty: Modern Warfare nevrikos rusët që e quajnë propagandë

Review-t negative po shtohen duke protestuar mënyrën se si Modern Warfare trajton Rusinë dhe luftën civile në Siri

Call of Duty: Modern Warfare zhvillohet në një shtet fiktiv në Lindjen e Mesme, por padyshim që merr elemente nga lufta civile në Siri, duke shpalosur një histori ku forcat amerikane dhe britanike bashkohen për të luftuar ato ruse. Padyshim që kjo nuk është pritur mirë në Rusi.

Kritikat ndaj Modern Warfare filluan në Rusi përpara lançimit të lojës, por një skenë specifike krijoi edhe më shumë polemika gjatë fundjavës. Shteti fiktiv i Modern Warfare është dukshëm një zëvendësim për Sirinë, por gjithashtu ka tipare nga Lufta e Gjirit me një masakër që është e ngjashme me The Highway of Death dhe ka gjithashtu të njëtin emër në lojë.

Në 26 shkurt 1991, ushtria amerikane dhe forcat aleate sulmuan një kolonë irakene ndërkohë që ata tërhiqeshin nga Kuvajti me tanqe dhe makina të tjera. Raportohet se këtu u vranë disa qindra deri në disa mijëra ushtarë dhe civilë palestinezë. Ushtria amerikane e mbrojti këtë sulm, por gjithsesi u akuzua për krime lufte nga ish-kryeprokurori Ramsey Clark dhe të tjerë. Megjithatë, problemi qëndron te fakti që në Modern Warfare, masakra e The Highway of Death u shkaktua nga rusët.

Loja tashmë ka marrë shumë review-s negative në Metacritic, duke e çuar vlerësimin e lojës momentalisht në 2.7. Disa vënë në dukje ndryshimin e historisë, ndërkohë që kritikët rusë janë të mërzitur sepse ushtarët e tyre në Siri shfaqen si përbindësha sadistë në një lojë ku ata supozoheshin të mos mbanin anë.

Një review thotë: “Kjo nuk është lojë, është propagandë politike, e cila ndikon në mendjet e njerëzve. Unë i trajtoj amerikanët mirë dhe ndër ta ka shumë njerëz të mirë, por zhvilluesit e kësaj loje, sidomos skenaristët, janë plehra.”

Në Modern Warfare, rusët supozohet të jenë ushtarë të vetmuar, por kjo nuk i ka bërë rusët të mendojnë se loja nuk bazohet në luftën civile në Rusi. Shkurtimisht, amerikanët thonë se po luftojnë kundra një diktatori dhe krimineli lufte që përdor armët kimike, ndërsa rusët thonë se po luftojnë terroristët dhe duan të stabilizojnë Sirinë.

Historia e Modern Warfare përqëndrohet tek armët kimike, ka grupe rebele, ka një grup ekstremist (Al-Qatala, që dukshëm bazohet tek Al-Qaeda) dhe gjithashtu shfaq rusët dhe amerikanët duke ndërhyrë. Me kaq shumë ngjashmëri sa në Siri, kritikët rusë mendojnë se loja është një propagandë kundër Rusisë.

Kjo nuk është hera e parë që seria Modern Warfare ka shkaktuar polemika në Rusi. Më herët, misioni “No Russian” në Modern Warfare 2, i cili tregonte një agjent sekret të CIA duke vrarë njerëz në një aeroport në Moskë, u hoq nga versioni për PC i lojës në Rusi, ndërkohë që loja nuk u lançua në konsola.