Captain Price dhe ekipi i tij është në kërkim të disa armëve kimike të vjedhura
Captain Price dhe ekipi i tij është në kërkim të disa armëve kimike të vjedhura
Kohët e fundit patëm mundësi të provonim se si multiplayer i Call of Duty: Modern Warfare do të funksiononte gjatë beta-s së fundjavës, por tashmë ka ardhur koha t’i kushtojmë më shumë vëmendje campaign-it të lojës. Si fillim, Activision dhe Infinity Ward zbuluan një trailer të ri për historinë e lojës gjatë State of Play të Sony, ku tregohen Captain Price dhe ekipi i tij i forcave speciale duke vendosur pikat mbi i aty ku duhet.
Në fakt kemi një ide shumë të mirë se çfarë do të vijë në lojë në vija të trasha. Kriza që kërcënojnë njerëzimin, dilema morale, aleatë të neveritshëm, shumë, shumë dhunë dhe padyshim mustaqja epike e Price. Trailer-i nuk futet në detaje, por përshkrimi i videos thotë se Price dhe ekipi i SAS do të bashkohen me CIA dhe Forcat Çlirimtare të Urzikistanit për të rikthyer armët kimike që janë vjedhur, me beteja që zhvillohen në Londër, Lindjen e Mesme dhe vendndodhje të tjera në botë. Padyshim që duket mjaft interesante.
Call of Duty: Modern Warfare do të lançohet në 25 tetor për PC, Playstation 4 dhe Xbox One.