Call of Duty: Modern Warfare është loja më e shitur e serisë CoD

Në vitin e parë kalendarik, Call of Duty: Modern Warfare u bë loja më e shitur e serisë Call of Duty

Sipas raportit të fundit të Activision rreth fitimeve në Q3 (korrik, gusht, shtator), rezulton se Call of Duty: Modern Warfare është një prej lojërave më të shitura nga seria Call of Duty që në vitin e parë kalendarik. Por kjo nuk është e gjitha pasi kjo lojë ka thyer rekorde të tjera.

Activision u shpreh se pothuajse më shumë se dy të tretat e shitjeve të Call of Duty: Modern Warfare janë kryer në mënyrë digjitale dhe shumica e këtyre lojtarëve janë njerëz të cilët kanë kaluar nga versioni falas Call of Duty: Warzone në versionin me pagesë CoD: MW.

Gjithashtu Modern Warfare dhe Warzone ka patur pothuajse tre herë më shumë përdorues aktiv mujor sesa seria e vitit të kaluar, Call of Duty: Black Ops 4, gjatë të njëjtës periudhë kohore. Nga ky raport zbulojmë gjithashtu se numri i lojtarëve në PC është dhjetë-fishuar gjatë kësaj periudhe.

Krahasuar me Black Ops 4, orët e luajtura në konsole dhe PC janë me afërsi shtatë herë më të lartë në Modern Warfare. Bobbu Kotick i cili është CEO i Activision Blizzard u shpreh se skuadra e tij po përpiqet të sjellë eksperiencën më të mirë në lojë dhe në të njëjtën kohë po përpiqen të ekzekutojnë planet  dhe strategjitë e tyre për vitin në vazhdim.

Falë gjithë kësaj pjesëmarrjeje të madhe falë Call of Duty Modern Warfare dhe Warzone, Activision ka patur një fitim prej 773 milion dollarësh amerikanë gjatë Q3 së vitit 2020.

Me Call of Duty: Black Ops Cold War që do të lançohet për disa javë dhe bashkimi i Warzone me serinë e re gjatë muajit dhjetor, tregon se seria e CoD nuk njeh kufij. Black Ops Cold War do të lançohet më 13 nëntor.