Call of Duty: Modern Warfare ka postuar një video të multiplayer-it

Videoja është në formën e një trailer-i të shkurtër… tepër të shkurtër.

Pak para zbulimit të plotë të multiplayer-it të Call of Duty: Modern Warfare, zhvilluesi Infinity Ward dhe prodhuesi Activision postoi një trailer që tregonte një pjesë të multiplayer-it të lojës. Lojtarët do të humbin orë të tëra në këtë pjesë të lojës kur ajo të lançohet në PS4, Xbox One dhe PC në tetor. Specifiisht është zbuluar se si do të funksionojnë ndeshjet.

Trailer-i është i shkurtër dhe nuk zbulon shumë gjëra, por e gjithë ideja është që të jetë teaser fundja. Në datë 1 gusht do të kemi zbulimin në detaj të multiplayer-it. Siç mund ta shikoni edhe në videon më poshtë, lojtarët mund të hyjnë në një ndeshje duke u hedhur nga helikopteri.

Përsa i përket zbulimit të datës 1 gusht, Infinity Ward nuk ka thënë ekzaktësisht se çfarë do të shohim, por ka premtuar një shikim të thellë të multiplayer-it, ndaj do e besojmë.

Call of Duty Modern Warfare do të jetë e disponueshme për PS4, Xbox One dhe PC kur të lançohet në 25 tetor për të gjitha rajonet.