Call of Duty është një nga lojërat më të njohura në të gjithë industrinë e gaming, ndaj nuk është ndonjë çudi që lançimi i fundëm i saj është një sukses kaq i madh. Në fakt gjatë ditëve të para në treg, Call of Duty: Modern Warfare arriti të fitonte më shumë se box office i Joker.
Përmes një deklarate, Activision konfirmoi se Call of Duty: Modern Warfare ka patur mbi $600 milion të ardhura në tre ditët e para të saj në treg. Activision gjithashtu thekson se kjo lojë ka kaluar box office-in e Joker, filmin nga Todd Philips që në fundjavën e premierës gjeneroi $93.5 milionë dhe në javën e parë $548 milionë.
“Call of Duty është sërish loja me shitjet më të mira të vitit, duke vërtetuar natyrën rezistente të këtyre serive në konsola, PC, mobile dhe esports.” U shpreh Bobby Koticks, shefi ekzekutiv i Activison Blizzard. “Në tre ditët e para të lançimit, Call of Duty: Modern Warfare kishte më shumë të ardhura se premiera e Joker.”
Kjo nuk është e gjitha, pasi Call of Duty: Modern Warfare gjithashtu theu rekorde shitjeje brenda serive. Shitjet fillestare të saj janë më të mira se çdo lojë tjetër e Call of Duty për këtë gjeneratë. Krahas këtyre, versioni për PC solli premierën më të mirë të serive për këtë platformë, duke u bërë lançimi më i suksesshëm i Activision.
Call of Duty: Modern Warfare u lançua në 25 tetor për PlayStation 4, Xbox One dhe PC.