Call of Duty: Modern Warfare ishte aq e suksesshme në fillimin e 2020 sa ishte edhe në fundin e saj. Kjo gjë nuk na çudit në fakt.
Sipas një raportimi nga SuperData, që shikon të gjitha lojërat e 2020 përsa i përket fitimeve të tyre, Modern Warfare ishte loja premium me fitimet më të larta për vitin e shkuar. Loja bazë e saj bashkë me Warzone të kombinuara i sollën Activision rreth $2 miliardë.
Warzone në vetëvete ishte një shtysë e madhe për bazën e lojtarëve. Si një mode më vete free-to-play, lojtarët mund ta provonin lojën battle royale pa bërë investime shtesë. Warzoni kishte më shumë se 85 milionë lojtarë në mbarë botën dhe suksesi i saj është vënë re mjaft mirë nga Activision.
Publikuesi do e suportojë Warzone për të gjitha instalimet e Call of Duty në të ardhmen e afërt, si një farë segmenti shoqërues për to.