Activision duket se po e konsideron seriozisht këtë mundësi
Activision duket se po e konsideron seriozisht këtë mundësi
Loja e ardhshme e serisë legjendare Modern Warfare ka qënë një prej temave më të përfolura në industrinë e videolojërave e ka pasur zëra rreth Modern Warfare 4 por edhe një remaster të Modern Warfare 2. Megjithatë, një zhvillim interesant duket se është zbuluar, që tregon se një model i ndryshëm fitimesh do të përdoret nga Activision për lojën e ardhshme.
Një raport i Kotaku mbi atë çka po ndodh brenda zyrave të Activision ka zbuluar se një lloj modeli free-to-play do të përdoret nga publikuesi, ndërkohë që diskutimet e para mbi lançimin e lojës po zhvillohen. Edhe pse Black Ops 4 kishte shitje të shumta fillimisht, shitjet e mëvonshme të lojës nuk ishin ato që priteshin nga publikuesi. Për të mos patur një përsëritje të këtij trendi, Activision duket se ka vendosur të ndryshojë mënyrën se si ata do të fitojnë para me lojën e ardhshme.
Edhe pse polemikat brenda kompanisë vazhdojnë, pritet që Call of Duty i këtij viti të jetë më i ngjashëm me lojëra si Fortnite dhe Apex Legends. Edhe pse ato lojëra janë tërësisht free-to-play, nëse Activision vendos të ndjekë të njëjtën rrugë nuk do të thotë që dizajni të jetë identik me atë Fortnite.
Lojërat Call of Duty janë të njohura për mënyrat e ndryshme të luftimit, duke pasur në to një histori, Multiplayer, Zombies e madje dhe Battle Royale. Në varësi të asaj që Infinity Ward ka planifikuar për Modern Warfare 4, secila prej këtyre modes mund të jetë free-to-play ndërkohë që loja e plotë do të shitet me çmimin e zakonshëm. Por, mbase publikuesi mund të bëjë dhe DLC e lojës falas, duke mos përdorur këtë vit një “Black Ops Pass“. Megjithatë, derisa gjithçka të bëhet zyrtare na mbetet vetëm të presim.