Fansat tani do të jenë në gjendje të shijojnë Call of Duty: Mobile në 120 frames për sekondë (FPS)
Fansat tani do të jenë në gjendje të shijojnë Call of Duty: Mobile në 120 frames për sekondë (FPS)
Activision dërgoi një email në lojë për të gjithë lojtarët sot duke njoftuar se loja është optimizuar për 120 FPS. Megjithatë aktualisht, suporti është në dispozicion vetëm në Sony Xperia 5 II. Do të vijë në pajisje të tjera më vonë.
Nuk është për t’u habitur të shohësh së pari Activision të lëshojë 120 FPS në Sony Xperia. Sony Xperia është sponsori i Call of Duty: Mobile World Championship 2020, i cili ka një çmim prej 1 milion dollarësh. Kampionati përmban turne rajonalë në rajone të ndryshme të botës, duke çuar në një Finale Botërore, e cila do të jetë një event LAN më vonë këtë vit. Të gjithë lojtarët në finale do të luajnë duke përdorur Sony Xperia 5 II në 120 FPS.
Kohët e fundit, loja tjetër e famshme shooter në Android dhe iOS, PUBG Mobile gjithashtu mori suport për 90 FPS. Fillimisht, ishte në dispozicion vetëm për pajisjet e zgjedhura OnePlus para se të lëshohej për të gjithë me versionin 1.0 në Shtator. Activision nuk ka thënë kur Call of Duty: Mobile do të luhet në pajisje të tjera me ritëm më të lartë të rifreskimit.
Aktualisht, Call of Duty: Mobile po feston përvjetorin e saj të parë me sezonin 11. Loja u bë një vjeç në 1 tetor. I gjithë sezoni i është kushtuar festimit të përvjetorit të tij, dhe një numër eventesh dhe përmbajtjesh kanë ardhur në lojë për të festuar përvjetorin.
Kjo përfshin hartën e re Alcatraz, Battle Royale, një veçori të ri të quajtur The Club, hartë të re multiplayer, mode-in, arma, rezultate, dhe më shumë. Sezoni do të vazhdojë deri në mes të Nëntorit.