Loja po shkarkohet me ritme të çmendura.
Loja po shkarkohet me ritme të çmendura.
Versioni mobile i fps Call of Duty ka vënë disa standarte tmerrësisht të larta për një periudhë shumë të shkurtër kohore.
Që kur u lançua në 1 tetor, Call of Duty: Mobile për iOS dhe Android ka kapur mbi 35 milion shkarkime dhe është momenalisht në vend të parë në App Store-t e mbi 100 vendeve. Kjo sipas presidentit të Activision Rob Kostich. Krahas kësaj Call of Duty Movile ka kapur 35 milion shkarkime më shpejt se çdo aplikacion ndonjëherë.
Shooter-i për mobile ka veçoritë klasike të Call of Duty, si përshembull Multiplayer-i me hartat ikonike nga lançimet në konsola të Modern Warfare dhe Black Ops. Lojtarët gjithashtu mund të hidhen në battle royale po të duan. Ky mode u prezantua fillimisht në Call of Duty: Black Ops 4.
Sado që baza e lojtarëve pritet që me kalimin e kohës të nivelohet, Activision dhe Tencent Games do të tentojnë sërish ti tërheqin lojtarët me sjellien e Zombies mode për Call of Duty: Mobile dhe të gjithë e dimë se sa vdesin gamerat për zombies këto kohë.
Teksa tregu mobile zgjerohet gjithmonë e më shumë, Activision do të tentojë të bëjë konkurencë me Epic Games dhe PUBG Corp. Gjithsesi duke qenë se PUBG Mobile dhe Fortnite kanë kapur mbi 200 milion përdorues, do të thonim që rruga e Activision është ende e gjatë.
Pjesa interesante është që jo më larg se para 24 orësh numri i shkarkimeve qëndronte në 20 milionë. Të shtosh 15 milionë shkarkime brenda një dite është çmenduri, por kjo gjë pritet të ndodhë kur një super lojë si Call of Duty vjen në mobile. Me shumë mundësi edhe në ditët në vijim këto numra do të shtohen. Le të shpresojmë që Activision do të mund ti mbajë lojtarët e kënaqur.