Prej tetorit do të keni mundësi të luani Call of Duty në smartphone-in tuaj tërësish falas
Prej tetorit do të keni mundësi të luani Call of Duty në smartphone-in tuaj tërësish falas
Activision ka zbuluar se seria e tyre kryesore FPS Call of Duty do të vijë në pajisjet mobile në 1 tetor për përdoruesit e iOS dhe Android. Kjo do të jetë loja e parë falas me emrin Call of Duty dhe do të ketë brenda saj një mode multiplayer dhe një battle royale.
Call of Duty: Mobile do të jetë një kombinim i serive Call of Duty: Modern Warfare dhe Call of Duty: Black Ops. Për këtë arsye, fansat mund të shpresojnë që shumë veçori dhe harta ikonë të serisë të rikthehen në këtë version të lojë.
Disa prej gamemode-ve më popullore të serisë Call of Duty janë të përfshira, si Team Deathmatch, Domination, Gun Game dhe Search and Destroy. Trailer-i gjithashtu zbulon harta ikonë si Nuketown, Hijacked dhe Crash.
Lojtarët do të kenë mundësi të bëjnë rank up në mënyrë të ngjashme me lojërat kryesore të serise dhe gjithashtu do të kenë mundësi të hapin për veten e tyre personazhe të famshëm të serisë, përfshirë këtu John “Soap” MacTavish, Simon “Ghost” Riley dhe Alex Mason.
Multiplayer do të ketë armë parësore dhe dytësore, lloj ushtari, aftësi operatori, pajisje vrasëse dhe taktike si dhe tre hapësira për perks që mund të përdoren në varësi të preferencës.
Në mënyrë të ngjashme me mode-in battle royale të Black Ops 4, në battle royale-n e CoD Mobile lojtarët mund të luajnë në Solo, Duo ose Quads. Terreni i hartës do të përfshijë tokë, det dhe ajër, ku lojtarët do të mund të lëvizin me ATV, helikopterë dhe varka ushtarake. Lojtarët mund të luajnë në first-person dhe third-person.
Call of Duty: Mobile i jep fansave të kësaj serie një lojë të re për të kaluar kohën e tyre ndërkohë që bëhet gati lançimi i plotë i Modern Warfare në 25 tetor.