Call of Duty: Mobile Battle Royale do i ndihmojë lojtarët të futen në shpirtin festiv, duke shtuar dekorime Krishtlindjesh dhe një paradë në lojë.
Një zonë e re u shtua në Mobile Battle Royale, e quajtur ‘Circus‘. Kjo vendndodhje do të jetë epiqendra e gjithë eventit festiv.
Lojtarët do të mund të maskohen brenda kaosit të paradës, por njëkohësisht duhet të tregohen të kujdesshëm nga zombiet që mund të tërhiqen nga zhurmat dhe nga dritat.
Skuadra zhvilluese pas këtij eventi, ka premtuar se do të zbulojë më shumë informacion për të së shpejti.
Që kur Call of Duty: Mobile u lançua, loja ka fituar Best Game për 2019, User Choice Game dhe Best Competitive Game nga Google Play. Së fundmi ajo kaloi edhe 170 milionë shkarkime.