NPD Group ka njoftuar se Call of Duty ka qenë loja më e shitur për konsola për vitin 2018 në SHBA, duke shënuar kështu vitin e dhjetë rradhazi që ajo e mban këtë titull. Me rast të saj, Activision postoi edhe momentet më të bukura të dekadës së fundit për lojën.
“Kemi qenë mëse të nderuar përgjatë 10 viteve të fundit të shohim se si komuniteti ynë është zhvilluar me ne, duke na dhuruar disa momente vërtet të mrekullueshme.” U shpreh Activision. Postimi u mbyll me premtimin se duhet të presim disa gjëra prapë nga Call of Duty në 2019, por nuk dha asnjë detaj më specifik.
Duhet theksuar se këto lojëra nuk kanë qenë më të shiturat e vitit në SHBA, thjesht seritë e tyre kanë qenë më të shiturat për konsola gjatë dhjetë viteve të fundit.
Sipas NPD, Red Dead Redemption 2 ishte loja me shitjet më të mira të vitit 2018, e ndjekur kështu nga Call of Duty: Black Ops IV, NBA 2K19, Madden NFL 19, Super Smash Bros Ultimate, Spider-Man i Marvel, Far Cry 5, God of War, Monster Hunter: World dhe Assassin’s Creed Odyssey.