Call of Duty: Cold War Season 1 do të sjellë scorestreaks të rinj

Scorestreaks do të ketë disa ndryshime

Kemi më pak se dy javë nga fillimi i Call of Duty: Black Ops – Cold War Sezoni 1, dhe zhvilluesi i saj Treyarch po zbulon gjithnjë e më shumë informacion mbi atë që lojtarët mund të presin. Një nga dizenjuesit kryesorë ka zbuluar se më shumë scorestreaks do të vijnë në lojën multiplayer, përveç atyre që ka.

Në një tweet të shtunën, projektuesi kryesor i lojës Tony Flame renditi disa nga ato që do të vijnë në update-in e radhes. “Armë dhe attachments të Cold War në Warzone? Oh po Më të mirët e të dy botëve vijnë së bashku në Sezonin 1″ shkruan ai në Twitter. “Prisni armë të reja, scorestreaks, harta, modalitete lojërash, blueprints, operatorë dhe më shumë.”

Ne tashmë e dinim për armët e Cold War që do vinin në Warzone, dhe pjesa tjetër mbulohet kryesisht në blogun zyrtar të cituar nga Flame. Pjesa interesante është scorestreaks, pasi leaks përmbanin një përzgjedhje të tyre që nuk janë zbatuar ende në lojërat FPS. Flamethrower, makina e vdekjes dhe strafe run janë scorestreaks që nuk janë vendosur deri më tani.

Call of Duty: Warzone do të ketë një hartë të re, e cila ka shumë të ngjarë të quhet “Rebirth” që u zbulua vetëm kohët e fundit. Activision zbuloi disa shifra mbi aftësitë e lojtarëve të Warzone këtë javë, duke shpallur se loja Battle Royale ka pasur më shumë se 85 milion lojtarë. Ndoshta ka ardhur koha për një ishull të ri, vërtet.