Bazuar në trailer-at e mëparshëm ne e dinim se pista Alcatraz do të vinte së shpejti në Call of Duty : Black Ops 4 Blackout. Por ne na erdhi si surprizë kur u lajmërua nga kompania se kjo pistë do të lançohej e plotë dhe jo si një shtesë e të vjetrës. Surprizat nuk mbyllen me kaq, në ditë e publikimit të pistës së re Blackout do të jetë falas për një muaj të plotë.
I ndërtuar për Battle Royale në distancë të vogël, ngjarjet ndodhin në ishullin famëkeq në të cilin ndodhej dhe burgu me të njëjtin emër. Trailer-i na tregon beteja në hapsira të ngushta mes ndërtesdave të ishullit, gjithashtu edhe zombie të cilët dalin nga askundi në mes të lojës.
Alcatraz do të publikohet për Playstation 4 më 2 prill ndërsa lojtarët e Xbox dhe PC do ta kenë në dispozicion një javë më vonë. Blackout sëbashku me pistën Alcatraz do të jenë falas deri më 30 prill.