Mbi 250 milionë lojtarë e kanë shkarkuar lojën
Mbi 250 milionë lojtarë e kanë shkarkuar lojën
Sipas një raporti nga Sensor Tower, Call of Duty: Mobile është shkarkuar 250 milionë herë që prej lançimit në tetor të vitit të kaluar. Loja është më popullore në SHBA me 45 milionë shkarkime, e ndjekur nga India dhe Brazili.
Këto shifra janë më të larta se ato të arritura nga PUBG Mobile dhe Fortnite në të njëjtën periudhë kohore. PUBG u shkarkua 236 milionë herë, ndërkohë që Fortnite ishte shumë mbrapa me vetëm 78 milionë shkarkime.
Në fitime, CoD: Mobile e ka tejkaluar PUBG Mobile shumë. Sipas raportit, CoD: Mobile ka fituar $327 milionë që prej lançimit, rreth 78% më shumë sesa PUBG Mobile në të njëjtën periudhë kohore. Kjo me shumë mundësi vjen pasi PUBG Mobile është më popullore në vende ku lojtarët shpenzojnë më pak para.
Fitimet e CoD: Mobile janë rreth 17% më të pakta se ato të Fortnite. Megjithatë, të dhënat e Fortnite nuk janë të plota, pasi loja gjatë kësaj periudhe nuk ishte në Google Play Store.