Në një intervistë të mbajtur së fundmi, drejtori kreativ i Bungie, Robbie Stevens dhe dizajneri i narrativës, Niko Stevens, diskutuan për të ardhmen e Destiny. Të dy ata ranë dakord në një ide që do i kënaqë shumë gamers kur ta dëgjojnë.
Kur u pyet nëse Bungie do të ishte i hapur të konsideronte adaptimin televiziv të një filmi ose seriali të Destiny, Stevens tha: “Çdo gjë është e mundur.” Sado që kjo ligjëratë është larg konfirmimit të një projekti të tillë në të ardhmen, përgjigjja e tij tregon se të paktën studioja është e hapur ndaj idesë. Plus tani që ndarja me Activision ja dha të gjitha të drejtat e IP së Destiny Bungie-t, kompania është më fleksible për të bërë vendime të tilla, po ti jepet mundësia.
Një film ose serial i Destiny do të mirëpritej jo vetëm nga fansat afatgjatë të serive, por edhe nga gamera që mund të jenë të interesuar në këto lojëra, por janë të intimiduar nga sasia masive e historisë ekzistuese të Destiny. Një adaptim filmi mund të shërbejë si një urë lidhëse për të ardhurit e rinj.
Përgjatë dekadave të fundit ka patur disa adaptime televizive të videolojërave, por në shumicën e rasteve ato nuk kanë patur sukses as kritik dhe as financiar. Përgjatë viteve, njoftimet e filmave të bazuara në videolojëra filluan të tingëllonin si një shaka, por ka edhe raste që kanë vërtetuar të kundërtën.
Sezoni i parë i The Witcher, i cili erdhi në Netflix në dhjetor të 2019s u bë një nga serialet më popullore të platformës për 2019. Ai gjithashtu solli rrije në shitjet e lojës The Witcher 3 dhe të librave në Amazon.
Destiny 2 është i disponueshëm për PC, PS4, Xbox One dhe Stadia.