Bugs-at në lojën Apex Legends sa vijnë duke u shtuar

Respawn po i rregullon sa më shprejt të mundet, por do ti hajë pak kohë

Apex Legends ka patur lançimin më të mbarë të çdo loje battle royale që kemi parë deri tani. Gjithsesi me miliona njerëz që e kanë luajtur përgjatë këtyre tre javëve, nuk është çudi që disa bugs-a kanë filluar të dalin në sipërfaqe.

Respawn Entertainment i rregulloi bugs-at e parë sa hap e mbyll sytë. Patch-et e para ndreqën probleme si municionet e pafundme ose lojtarët që fluturonin nga anijet e furnizimit. Tani që lojtarët kanë kaluar edhe më shumë kohë me lojën, duket se bugs-a të tjerë kanë filluar të shfaqen.

Një prej viktimave të tyre është Peacekeeper shotgun. Nëse kalon disa aksione të komplikuara, kjo armë mund të qëllojë të gjashta plumbat e saj në rreth një të tretën e kohës që i duhet normalisht. Një tjetër bug e lejon Pathfinder të ngjisi muret më lart se personazhet e tjera. Deri më tani Respawn nuk ka rregulluar asnjë prej tyre.

Këto bugs-a janë kryesisht më të përsëritur se të tjerët, por deri tani bug-u më shqetësues është ai i fluturimit. Ky i lejon lojtarët të fluturojnë pandalim dhe menjëherë i rrëzon në tokë papritur. Këtu Respawn ka filluar me rregullimin.

Shumica e lojërave battle royale që janë publikuar vitet e fundit kanë filluar me early acces dhe më pas kanë parë popullatën e lojtarëve të rritet me kalimin e kohës. E gjithë kjo ju ka dhënë zhvilluesve kohë të mjaftueshme për të rregulluar bugs-at dhe probleme të tjera që mund të kenë lindur me të.

Gjithsesi në rastin e Respawn ky luks nuk ekziston. Atij i duhet ti ndreqë këto bugs-a nën syrin e audiencës masive që loja ka fituar për kaq pak kohë. Puna që ka bërë me bug-un e fluturimit tregon që studioja është në rrugë të mbarë. E vërtetë që nuk mund ta ndreqi të gjithën brenda natës, por të paktën kanë filluar shenjat e progresit.