Ubisoft njoftoi se Elite Bundle e gjashtë për The Crew 2 do të jetë në dispozicion për shkarkim dhe përmban dy nga automjetet më prestigjioze Bugatti në histori: La Voiture Noire (2019) dhe Atlantic Type 57V SC (1936).
Ndërsa e para është një kryevepër e vërtetë e inxhinierisë së makinave e krijuar nga Bugatti në 2019, e dyta është një makinë legjendare, e zhdukur gjatë Luftës së Dytë Botërore dhe rikrijuar nga ekipet e The Crew 2. Kjo bundle shënon herën e parë që këto automjete shfaqen së bashku në një lojë për konsola.
Ndërsa të dyja automjetet janë të mrekullueshme, zhdukja e Atlantic Type 57V SC (1936) është mbuluar me mister: Vetëm katër Atlantics janë prodhuar deri më sot, secila me specifikat e veta. Tre prej tyre ishin për klientët. E katërta u bë për vetë Jean Bugatti, numri i shasisë 57453, i njohur më mirë me pseudonimin e tij “La Voiture Noire” (Makina e Zezë, për shkak të ngjyrës së saj).
Jo vetëm që makina ishte ekskluzive në pronësinë e saj, ajo është gjithashtu e vetmja Atlantic për të cilin nuk ekziston asnjë e dhënë pas vitit 1938. Legjenda thotë se ajo ishte fshehur për tu ruajtur në shpërthimin e Luftës së Dytë Botërore; nëse ishte kështu, ajo ende nuk është rishfaqur deri më sot. Nëse makina përfundimisht do të rishfaqet, padyshim që do të ishte automobili më i shtrenjtë në botë – nëse është madje e mundur që vlera reale e një kryevepre të tillë të vlerësohet me të vërtetë.
Më shumë informacion mbi misterin e La Voiture Noire dhe mënyrën se si e rikrijuan Ivory Tower Vehicle Artists, mund të gjenden në këtë link.