BRUTE Mechs do bëhen nerf në Fortnite, por lojtarët janë ende të inatosur

Epic Games më në fund e ka zgjidhur problemin e B.R.U.T.E mech në Fortnite Battle Royale, por këto ndryshime nuk janë pritur shumë mirë.

Në 9 gusht Epic Games hodhi postimin e fundit në blogun e tij, duke diskutuar planet për kompeticionet që do të mbahen në Season X të Fortnite. Një nga tematikat që u soll ishte BRUTE mech. Mund të themi se këto të fundit kanë qenë një nga temat më kontradiktore që ka patur ndonjëherë loja gjatë dy viteve ekzistence.

Duke konsideruar se sa negativ ishte reagimi i komunitetit ndaj këtyre robotëve që në fillimin e Season X, zhvilluesit kanë njoftuar se në update-in e rradhës do të implementojnë një nerf, nëse mund ta quajmë të tillë.

“Kemi monitoruar impaktin e B.R.U.T.E në gameplay dhe kemi hetuar mënyra për të përmirësuar combat-in kur të përballeni me këtë makineri. në v10.10 do të shtojmë një lazer që do të tregojë drejtimin nga ku B.R.U.T.E është duke i hedhur raketat. Lazeri do ta bëjë të dallueshme se kur po ju drejtohet ky sulm edhe nëse jeni pas një strukture.”

Sigurisht që ky lajm i ka lënë lojtarët të pakënaqur, të cilët kanë kërkuar zhvendosjen e tyre që në fillim të Season X. Ky pseudo-nerf nuk do të ketë asnjë lloj efekti në fuqinë e këtyre robotëve, pasi nuk do të bëjë asgjë në uljen e 1000 HP ose dëmit të tyre.

Përkundrazi, thjesht do ju japë lojtarëve një paralajmërim vizual dhe një përmes audios në momentin që shënjestrohen nga raketat e mechs. Gjithsesi efektiviteti i tyre mbetet për tu parë.

Si për ironi, ky postim i Epic Games i ka tërbuar lojtarët edhe më shumë nga çfarë ishin, mbi të gjitha anëtarët e komuniteteve kompetitive të Fortnite. Kjo sepse Epic gjithashtu njoftoi se BRUTE mechs nuk do të zhvendosen nga asnjë nga mode-et e lojës, pra ata do vazhdojnë të mbeten edhe në turnamentet e ardhshme.

Sado që është e pashmangshme që Epic Games ti bëjë një nerf të fuqishëm atyre ose ti heqë nga loja, për momentin duket se zhvilluesit kanë vendosur të tregohen kokëfortë.