Procon i dha Apple kohë për të demonstruar “përfitimet mjedisore” që pretendoi gjatë lançimit të iPhone 12 për të justifikuar përfundimin e përfshirjes së karikuesve në kuti, diçka Apple nuk arriti të bënte. Për më tepër, Apple nuk iu përgjigj Procon kur u pyet nëse çmimi i iPhone 12 kishte rënë pasi ishte hequr karikuesi ose nëse kishte pasur ulje të numrit total të karikuesve që kishte prodhuar.
Në SHBA mund të ketë pasur një ulje të çmimit, por në Brazil iPhone 12 kushtoi 1,200 dollarë Real braziliane, ndërsa iPhone 11 kishte të njëjtin çmim vitin e kaluar, me pandeminë që luajti një rol në rritjen e dollarit kundrejt monedhës braziliane.
Gjoba arrin në 2 milion dollarë (10.5 milion Real) dhe ka të bëjë me “reklamat mashtruese, shitjen e një pajisjeje pa karikues dhe kushte të padrejta”. Procon ankohet për probleme të ndryshme në lidhje me Apple, siç është fakti që Apple nuk pranoi të riparonte modelet e iPhone 11 Pro që kishin rënë në ujë. Gjithashtu, disa përdorues raportuan probleme me disa karakteristika pas update-it të pajisjes në një version të ri të iOS, për të cilin Apple nuk ofroi ndihmë. Më në fund, Apple përjashton veten nga garancitë ligjore në rast të produkteve me defekt.
“Apple duhet të kuptojë se ekzistojnë ligje dhe institucione serioze për mbrojtjen e konsumatorit në Brazil. Këto ligje dhe institucione duhet të respektohen.” – Fernando Capez, Drejtori i Procon-SP
Sidoqoftë, gjoba nuk duket se e shqetëson Apple, pasi ajo nuk ofroi as deklaratën më të vogël në lidhje me këtë çështje, le të mos harrojmë se në tremujorin e parë financiar të vitit 2021 ajo kishte të ardhura prej 111.4 miliardë dollarësh.