Epic Games Store ka filluar me periudhën e uljeve masive të lojërave të tij, por si duket jo të gjithë lojërat janë të vlefshme si pjesë e ofertës.
Pak para se Mega Sale i Epic të fillonte, Borderlands 3 u zhvendos në mënyrë misterioze nga dyqani. Kjo lojë nuk është e vetmja që nuk paraqitet më pas fillimit të Mega Sale.
Epic Games refuzoi të komentojë rreth gjithë kësaj situate. Duket sikur Epic po ofron ulje, por në lojëra që janë realisht shumë të pëlqyera nga publiku refuzon ta bëjë këtë.
Kjo ka të bëjë shumë edhe me pjesën e publishers. Në rastin e lojërave si Borderlands 3, ata mund të intimidohen nëse loja përballet me ulje të tilla, pasi mund të sjellë në zhvlerësim të lojës së tyre.
Gjithsesi shumë gjynah që Borderlands 3 nuk bëri paraqitje në Mega Sale të Epic. Mund të them me siguri që ishte loja që ia kishin vënë syrin të gjithë.