Pas shumë ditësh me spekulime, më në fund Gearbox ka konfirmuar se Borderlands 3 do të lançohet në 13 shtator 2019. Kjo e hedh në plehra teorinë e 10 tetorit, por sa më herët aq më mirë apo jo. Krahas konfirmimit të datës së publikimit, Gearbox ka sjellë edhe një trailer të ri, i cili konfirmon se në fillim loja do të vijë në PC përmes Epic Store. Nëpër dyqane të tjera pastaj do të vijë në prill të 2020s.
Traileri tregon gameplay të Borderlands 3 dhe prezanton lojtarët Vault Hunters që do të marrin kontroll teksa kërkojnë për loot. Në mes tyre kemi Moze The Gunner, Amara The Siren, FL4K The Beastmaster dhe Zane The Operative.
Antagonistët pastaj, përkatësisht Calypso Twins, janë në përpjekie për të bashkuar klane të ndryshme banditësh me qëllim kontrollin e galaksisë.
Teksa lojërat e mëparëshme ishin të fokusuara në vendndodhjen e Pandora, Borderlands 3 do iu japë lojtarëve mundësinë për të udhëtuar edhe në botë të tjera përveç saj. Gearbox premton se secila prej tyre do të ketë mjedise dhe armiq unikë.
Një tjetër tipar i ri i lojës do të jetë level sync, që e bën të gjithë eksperiencën e co-op pak më miqësore. Gjithsesi shikoni trailerin më poshtë për të parë çdo gjë më nga afër.