Borderlands 3 është loja që është shitur më shpejt në historinë e 2K
Borderlands 3 është loja që është shitur më shpejt në historinë e 2K
Borderlands 3 shiti më shumë se pesë milionë kopje në pesë ditët e para. Në një deklaratë për shtyp më herët gjatë ditës së sotme, publikuesi 2K njoftoi se loja e re, e cila u lançua më herët këtë muaj, është shitur 50% më shumë se loja paraardhëse e 2012 Borderlands 2.
Këto shifra e bëjnë Borderlands 3 lojën më të shitur në historinë e 2K dhe gjithashtu Borderlands 3 është loja më e shitur e kompanisë për PC në një hapësirë pesë ditore. Duke marrë parasysh se 2K ka publikuar gjithashtu dhe lojëra si GTA 5, kjo është një arritje mjaft e madhe, sidomos kur mendon se lançimi i lojës e bëri Borderlands serinë e dytë të 2K me që arriti më shumë se $1 miliard fitime.
Në mënyrë aspak surprizuese, shumica e kopjeve të shitura të lojës ishin dixhitale. Më surprizues ama ishte suksesi i lojës në Epic Games Store. 2K thotë se Borderlands 3 theu rekordet e pre-orders në këtë platformë, se shitjet e lojës i kaluan pritshmëritë dhe se shitjet në PC nëpërmjet Epic Games Store kanë qënë jashtëzakonisht të forta.
Megjithatë, Borderlands 3 nuk po thyen vetëm rekorde financiare. 2K gjithashtu konfirmoi se shikueshmëria e lojës në Twitch është shumë më e lartë se shifrat e mëparshme maksimale të arritura më përpara. Duke marrë gjithashtu dhe vendin e parë në shërbimin e streaming ditën e lançimit, loja është parë më shumë se 14 milionë orë, që është më shumë se gjysma e asaj që ka arritur Borderlands 2 në shtatë vite.
Ky sukses ama nuk është aspak surprizuese. Falë CEO të Gearbox Randy Pitchford, dihej se numri i lojtarëve të Borderlands 3 në PC ishte sa dyfishi i numrit maksimal të lojtarëve të Borderlands 2.