Kujt ja priste mendja?
Kujt ja priste mendja?
Vendimi për të mbajtur Borderlands 3 ekskluzive për Epic Store në lançimin e saj në PC ka rezultuar në një sukses masiv. Fillimisht kishte disa shqetësime se loja do të rrezikonte po ta linte Steam pas (teknikisht për gjashtë muajt e parë), por loja e Gearbox ka vërtetuar të kundërtën.
Ishte CEO i Gearbox, Randy Pitchford që këtë fundjavë shprehu në Twitter se Borderlands 3 kishte parë numrin më të lartë të lojëtarëve ndonjëherë në PC. Sado që ai nuk ndau një shifër konkrete, ai konstatoi se kjo e fundit ishte sa dyfishi i asaj që ka parë ndonjëherë Borderlands 2.
Sipas të dhënave nga SteamCharts dhe SteamDB, Borderlands 2 kishte një maksimum prej 123,596 dhe 124,678 lojtarësh respektivisht kur u lançua përpara shtatë viteve. Dyfishi i kësaj do të thotë që ka 250,000 lojtarë afërsisht që janë duke e luajtur Borderlands 3 njëheresh në PC në EPIC STORE.
Borderlands 2 ka shitur mbi 22 milion kopje në mbarë botën përgjatë të gjithë platformave, duke u bërë loja me shitjet më të mira të 2K Games. Kjo është arsyeja se përse të gjithë, përfshirë këtu Gearbox Software janë duke e krahasuar atë me pasardhësen.
Momentalisht nuk ka ende asnjë informacion se si kanë ecur shitjet e Borderlands 3, por nëse po ja del mirë në Epic Store do të thonim që edhe në konsola nuk do e e ketë të vështirë.
Fatkeqësisht instalimi i ri i serive ka hasur disa probleme me performancën në PC dhe konsola. Gjithsesi lojëtarët kanë gjetur zgjidhje të përkohshme për problemet e tyre, derisa Gearbox Software të sjellë një patch.
Borderlands 3 është e disponueshme për PlayStation 4, Xbox One dhe PC.