Keni kohë deri në 13 shtator për të sajuar PC tuaj
Keni kohë deri në 13 shtator për të sajuar PC tuaj
Lançimi i Borderlands 3 është shumë pranë ardhjes, por gjithsesi deri pak më parë studioja e zhvillimit të lojës, Gearbox Software, nuk kishte dhënë asnjë njoftim për detajet që duheshin në parametrat e PC për ta luajtur lojën. Tani pritja për këto specifika ka marrë fund.
Në faqen zyrtare të lojës, skuadra pas Borderlands 3 ka njoftuar parametrat që duhet të ketë hardware-i juaj. PC juaj duhet të ketë minimalisht gjashtë giga Ram dhe një proçesor në nivelin e Intel i5-3570, për të marrë pjesë në betejat e Borderlands 3.
Krahas këtyre hard drive juaj duhet të ketë rreth 75 giga hapësirë për instalimin e këtij first-person-shooter-i. Parametrat e rekomanduara janë publikuar, ndaj keni kohë deri në 13 shtator për ta sajuar PC që ti përshtatet atyre.
Gjithsesi për gjashtë muajt e parë loja është ekskluzive e Epic Store. Ky ishte një nga lajmet që solli disa nga kontraditat më të mëdha që mund të jetë përballur loja që pas njoftimit të saj. Jemi kuriozë të dimë nëse do e merrni lojën nga Epic, apo do të prisni disa muaj përpara se ajo të vijë në Steam.
Detajet e plota për parametrat e kërkuara në PC mund ti gjeni më poshtë: