Borderlands 3 ka tentuar Bottle Cap Challenge

Trendi më i fundit i internetit këto kohë ka qenë Bottle Cap Challenge. Kemi parë plot njerëz që e kanë bërë, por ky rast vjen si më i veçantë. Kjo pasi sfida bëhet brenda lojës së Borderlands.

Videoja u postua edhe nga adresa zyrtare e Borderlands në Twitter. Dy Psychos vihen përballë njeri-tjetrit për ta kryer sfidën, por le të themi që gjërat nuk shkojnë ashtu siç mund të prisnim nga një Bottle Cap Challenge normale.

Mund të themi se tentativa e Borderlands për ta bërë sfidën ishte teknikisht e saktë, pasi në fund tapa doli nga shishja. Fiks stili i Borderlands.

Borderlands 3 do të lançohet në PS4, Xbox One dhe në PC përmes Epic Store në datë 13 shtator të këtij viti.