Gearbox ka njoftuar DLC e re të Borderlands 2 për të vënë urën lidhëse mes lojës së dytë dhe të tretë. Update-i i ri që quhet Commander Lilith & the Fight for Sanctuary, bëri leak pak më herët këtë javë në Steam, por tashmë është konfirmuar zyrtarisht.
Sipas konferencës për shtyp, DLC do të jetë e disponueshme falas për ata që kanë Borderlands 2 dhe Borderlands: The Handsome Collection përpara datës 8 korrik. Pas këtij afati do të jetë e disponueshme për $15.25.
DLC e re vendoset pak pas eventeve të Borderlands 2. Mund të shikoni trailer-in e lojës më poshtë.