Pak pas njoftimit kontradiktor të Diablo Immortal, Blizzard njoftoi se synonte të zhvillonte mobile games të të gjitha brand-eve në të ardhmen. Shume prej nesh menduam se këto ishin thjesht fjalë të hedhura në ajër, por rezulton se nuk është kështu.
Sipas një postimi nga revista Kotaku, ka një tjetër lojë mobile në zhvillim te Blizzard Entertainment. Artikulli hodhi dritë mbi projektet e tanishme të studios. Thuhet se një skuadër e vogël po punon me një lojë në universin e Warcraft për mobile. Pjesa më interesante në këtë mes është se gameplay i saj është i ngjashëm me mekanizmat e Pokemon Go.
Detaje të mëtejshme janë ende të paqarta. Mos ndoshta së shpejti do të jemi duke bredhur rrugëve për të luftuar krijesat e Warcraft? Do të ishte vërtet fantastike apo jo?