Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kur Blizzcon 2019 filloi këtë fundjavë, gjërat nisën me tonalitet të zymtë. CEO i kompanisë, J.Allen Brack u ngjit në skenë për të folur me publikun dhe me të gjithë botën, duke kërkuar ndjesë për ban-in e bërë kundrejt Blitzchung. Gjithsesi, pavarësisht kësaj ndjese, Blizzard nuk do e kthejë mbrapsht banin as për lojtarin dhe as për dy komentatorët që ishin me të.
“Blizzard kishte mundësinë të sillte së bashku gjithë botën në një moment esports të Hearthstone përpara një muaji dhe ne nuk e bëmë.” Tha Brack. “U treguam shumë të shpejtë në vendimmarrjen tonë dhe pastaj, për ti bërë gjërat më keq, u treguam shumë të ngadaltë për të folur me ju.”
“Nuk qëndruam në stadartet e larta që i kemi vënë vetëvetes dhe dështuam në qëllimin tonë. Për atë, kërkoj ndjesë. Do të veprojmë më mirë në të ardhmen, por do të jenë veprimet tona ato që do të peshojnë më shumë se fjalët.” Më tej ai vijoi të shpjegonte se Blizzard është i përkushtuar në të drejtën e lirisë së të shprehurit te të gjithë.
Gjithsesi, pjesa e çuditshme pas kësaj deklarate është që Blizzard nuk ka për ta hequr ban-in as ndaj Blitzchung dhe as ndaj dy komentatorëve tailandezë të përfshirë në event. Brack tha: “Nuk është puna te mesazhi i Blitzchung, është te fakti që ai nuk lidhej me lojën.”
“Nëse nuk do të kishim marrë masa,” vijoi ai, “nëse nuk do të kishim bërë diçka, mund ta imagjinoni vetë pasojat që kjo do të linte në intervistat e të ardhmes. Ato do të bëheshin momente ku njerëzit mund të bënin deklarata për çdo lloj gjëje që të donin dhe kjo nuk është diçka që duam ta kemi nëpër evente të tilla.”
Nëse nuk jeni në dijeni në situatës, muajin e shkuar Blizzard u kap në një nga kontraditat më të ngatërruara ndonjëherë. Pas një ndeshjeje të Hearthstone, fituesi Blitzchung bëri thirrje për lirinë e Hong Kong. Blizzard e pezulloi lojtarin, nuk i dha paratë e çmimit dhe pushoi nga puna dy prezantuesit e përfshirë. Në një moment të dytë kompania e reduktoi ban-in në gjashtë muaj nga një vit.
Kur Blizzard tha se ndëshkimi u bë sepse lojtari nuk po fliste për Hearthstone, reagimi i fansave ishte kaotik. Shumë dyshonin se ky vendim erdhi nga pjesa e përqindjes që Tencent, një kompani Kineze ka mbi të. Sado që Blizzard e mohoi lidhjen që situata mund të kishte me politikën, ky ishte opinioni publik që ajo përcolli te shumë fansa.
Pasi J. Allen Brack u largua nga skena, Blizzard filloi të jepte njoftime të njëpasnjëshme që e ndezën turmën. Ndër to përmendim zbulimin zyrtar të së shumëpriturës Diablo 4, Overwatch 2 dhe expansion-et e rradhës për World of Warcraft dhe Hearthstone.
