Blizzard nuk ka shumë që zbuloi Diablo: Immortal gjatë BlizzCon 2018. Loja paraqitet në një univers paralel të Diablo dhe është e ndertuar për pajisjet mobile. Mund të tingëllojë si një ide mjaft e këndshme, por kjo nuk është ajo çfarë fansat kishin në mendje, pasi reagimet ndaj Diablo: Immortal kanë qenë nga më të ashprat.
Traileri i lojës ka mbedhur mbi 1 milion shikime, nga të cilt 257000 janë dislike. Gjatë panelit të BlizzCon një pjesëmarrës iu afrua mikrofonit duke u shprehur me sarkazëm nëse “Diablo: Immortal ishte ndonjë shaka e vonuar e 1 prillit”. Mund të thuhet me siguri pra, se një pjesë e mirë e fansave nuk janë aspak të kënaqur.
Përfaqësuesit e Blizzard u shprehën se “Diablo: Immortal është vetëm një nga projektet tona për Diablo dhe se publiku duhet të jetë pak më i duruar. Diablo është një projekt mjaft i gjerë për në dhe gjithmonë do të mbetet i tille. Ne e duam atë dhe shpresojmë që fansat tanë ta kuptojnë se çfarë duam të themi me këtë.”
“I gjithë qëllimi i zhvillimit të Diablo; Immortal ishte përqasja e tij për pajisjet mobile dhe mundësimi i asaj eksperience për të gjithë ata që në këtë pikë kanë kapërcyer konsolin ose PC dhe njohin ‘mobile’ si të vetmin portal për gaming. Kemi mëse tre dekada në qarkullim dhe gjithmonë kemi siguruar lojëra për patforma të ndryshme. Ky është po i njëjti rast.”
Sado që qëllimet e Blizzard për Immortal kanë qenë të pastra, reagimet kanë qenë mëse negative. Ndoshta këtë gumëzhimë e kanë sjellë dhe pritshmërite e larta të fansave për një vazhdim të serive të Diablo 3 të ndërprera në 2012. Sidoqoftë Blizzard i qëndron idesë se ata do të ndryshojnë direkt mendim pasi ta shikojnë lojën nga afër.